subscribe

බුදු ගුණ අනන්ත යි ෴ 07

බුදු ගුණ අනන්ත යි ෴ 07

91. සෝ භගවා ඉතිපි අසාරත්තෝ:- කිසිඳු අයුරකින් නො ඇලෙන හෙයින් ඒ භාග්‍යවතුන් වහන්සේ ‛අසාරත්ත’ වන සේක.

92. සෝ භගවා ඉතිපි අසමයවිමුත්තෝ:- සැමකල්හි ම විමුක්ත වූ සිතක් ඇති හෙයින් ඒ භාග්‍යවතුන් වහන්සේ ‛අසමයවිමුත්ත’ වන සේක.

93. සෝ භගවා ඉතිපි අසිතෝ:- ලෝකය ඇසුරු නො කරන හෙයින් ඒ භාග්‍යවතුන් වහන්සේ ‛අසිත’ වන සේක.

94. සෝ භගවා ඉතිපි අසිප්පජීවී:- ශිල්පයකින් ජීවිතය නො පවත්වන හෙයින් ඒ භාග්‍යවතුන් වහන්සේ ‛අසිප්පජීවී’ වන සේක.

95. සෝ භගවා ඉතිපි අස්සාසකෝ:- මුළු තුන් ලොවට ම සැනසුම සදනා හෙයින් ඒ භාග්‍යවතුන් වහන්සේ ‛අස්සාසක’ වන සේක.

96. සෝ භගවා ඉතිපි අසම්මූළ්හවිහාරී:- මෝහය දුරු වූ නිවනෙහි වාසය කරනා හෙයින් ඒ භාග්‍යවතුන් වහන්සේ ‛අසම්මූළ්හවිහාරී’ වන සේක.

97. සෝ භගවා ඉතිපි අසෝකෝ:- ශෝකය දුරු කළ හෙයින් ඒ භාග්‍යවතුන් වහන්සේ ‛අසෝක’ වන සේක.

98. සෝ භගවා ඉතිපි අස්සද්ධෝ:- ලොව්තුරු දහම් තමන් වහන්සේ ම දැනගෙන අන් අයෙකු කෙරෙහි ශ්‍රද්ධාවට නො යනා හෙයින් ඒ භාග්‍යවතුන් වහන්සේ ‛අස්සද්ධ’ වන සේක.

99. සෝ භගවා ඉතිපි අසය්හසාහී:- නො ඉවසිය හැකි දේ ඉවසන හෙයින් ඒ භාග්‍යවතුන් වහන්සේ ‛අසය්හසාහී’ වන සේක.

100. සෝ භගවා ඉතිපි අසංගමානසෝ:- කිසි තැනක නො ඇලෙන මනසක් ඇති හෙයින් ඒ භාග්‍යවතුන් වහන්සේ ‛අසංගමානස’ වන සේක.

101. සෝ භගවා ඉතිපි අසේඛෝ:- නිවන් මග තුළ තමන් වහන්සේ ම හික්මී, තව දුරට ත් හික්මිය යුතු නො වන හෙයින් ඒ භාග්‍යවතුන් වහන්සේ ‛අසේඛ’ වන සේක.

102. සෝ භගවා ඉතිපි අනංගණෝ:- අංගණ නම් වූ ළාමක අකුසල් දුරු කළ හෙයින් ඒ භාග්‍යවතුන් වහන්සේ ‛අනංගණ’ වන සේක.

103. සෝ භගවා ඉතිපි අනපෙක්ඛෝ:- අපේක්ෂා රහිත සිත් ඇති හෙයින් ඒ භාග්‍යවතුන් වහන්සේ ‛අනපෙක්ඛ’ වන සේක.

104. සෝ භගවා ඉතිපි අනගාරියුපේතෝ:- ගිහි සැප හැර දමා අනගාරික බවට පැමිණි හෙයින් ඒ භාග්‍යවතුන් වහන්සේ ‛අනගාරියුපේත’ වන සේක.

105. සෝ භගවා ඉතිපි අනන්දි:- කැමැත්ත දුරු කළ හෙයින් ඒ භාග්‍යවතුන් වහන්සේ ‛අනන්දි’ වන සේක.

106. සෝ භගවා ඉතිපි අනඝෝ:- හැම දුකින් නිදහස් වූ හෙයින් ඒ භාග්‍යවතුන් වහන්සේ ‛අනඝ’ වන සේක.

107. සෝ භගවා ඉතිපි අනඤ්ඤපෝසී:- අන් කිසිවෙක් පෝෂණය නො කරන හෙයින් ඒ භාග්‍යවතුන් වහන්සේ ‛අනඤ්ඤපෝසී’ වන සේක.

108. සෝ භගවා ඉතිපි අනන්තදස්සී:- අනන්ත නිවන දකිනා හෙයින් ඒ භාග්‍යවතුන් වහන්සේ ‛අනන්තදස්සී’ වන සේක.

109. සෝ භගවා ඉතිපි අනවජ්ජභෝජී:- මිත්‍යා ආජීවයෙන් තොර වූ නිවැරදි භෝජන ඇති හෙයින් ඒ භාග්‍යවතුන් වහන්සේ ‛අනවජ්ජභෝජී’ වන සේක.

110. සෝ භගවා ඉතිපි අනඤ්ඤනෙය්යෝ:- වෙන කිසිවෙක් විසින් නිවනට නො පැමිණවිය යුතු හෙයින් ඒ භාග්‍යවතුන් වහන්සේ ‛අනඤ්ඤනෙය්ය’ වන සේක.

Comments are closed.

Read this also

All Rights Reserved

Contents of this website are fully protected under international copyright laws. Downloading any contents for personal use is allowed. Selling is totally prohibited. Uploading of protected audio contents at any other location on the web for the purpose of sharing or distribution & re-publishing of individual audio contents are not allowed by any means without the written consent of 'DhammaMedicine'.

Join with Us

Subscribe to our Google Group: