subscribe

බුදු ගුණ අනන්ත යි ෴ 08

බුදු ගුණ අනන්ත යි ෴ 08

111. සෝ භගවා ඉතිපි අනත්ථිකෝ:- කිසිදු සංස්කාරයකින් අර්ථයක් නො පතන හෙයින් ඒ භාග්‍යවතුන් වහන්සේ ‛අනත්ථික’ වන සේක.

112. සෝ භගවා ඉතිපි අනස්සාවී:- තෘෂ්ණා රහිත දිවියක් ගත කළ හෙයින් ඒ භාග්‍යවතුන් වහන්සේ ‛අනස්සාවී’ වන සේක.

113. සෝ භගවා ඉතිපි අනවජ්ජෝ:- නිවැරදි දිවි පැවතුම් ඇති හෙයින් ඒ භාග්‍යවතුන් වහන්සේ ‛අනවජ්ජ’ වන සේක.

114. සෝ භගවා ඉතිපි අනභිජ්ඣාලූ:- දැඩි ලෝභය දුරු කළ හෙයින් ඒ භාග්‍යවතුන් වහන්සේ ‛අනභිජ්ඣාලූ’ වන සේක.

115. සෝ භගවා ඉතිපි අනභිභූතෝ:- කිසිවෙකුටත් යටපත් කළ නො හැකි හෙයින් ඒ භාග්‍යවතුන් වහන්සේ ‛අනභිභූත’ වන සේක.

116. සෝ භගවා ඉතිපි අනවස්සුතචිත්තෝ:- කෙළෙසුන්ගෙන් තෙත් නො වූ සිතක් දැරූ හෙයින් ඒ භාග්‍යවතුන් වහන්සේ ‛අනවස්සුතචිත්ත’ වන සේක.

117. සෝ භගවා ඉතිපි අනල්ලිතෝ:- සසරට නො ඇලුනු හෙයින් ඒ භාග්‍යවතුන් වහන්සේ ‛අනල්ලිත’ වන සේක.

118. සෝ භගවා ඉතිපි අනන්වාහතචේතසෝ:- කෙලෙසුන්ගෙන් නො පෑරුණු සිත් ඇති හෙයින් ඒ භාග්‍යවතුන් වහන්සේ ‛අනන්වාහතචේතස’ වන සේක.

119. සෝ භගවා ඉතිපි අනන්ධකරණෝ:- අන්ධභාවයට පත් කරණ නීවරණ ධර්මයන් දුරු කරවන හෙයින් ඒ භාග්‍යවතුන් වහන්සේ ‛අනන්ධකරණ’ වන සේක.

120. සෝ භගවා ඉතිපි අනඤ්ඤථාභාවී:- වෙනස් නො වන ගුණයන් ගෙන් යුතු හෙයින් ඒ භාග්‍යවතුන් වහන්සේ ‛අනඤ්ඤථාභාවී’ වන සේක.

121. සෝ භගවා ඉතිපි අනන්තපඤ්ඤෝ:- අනන්ත ප්‍රඥා ඇති හෙයින් ඒ භාග්‍යවතුන් වහන්සේ ‛අනන්තපඤ්ඤ’ වන සේක.

122. සෝ භගවා ඉතිපි අනන්තඤාණෝ:- අනන්ත ඤාණයන් ගෙන් යුතු හෙයින් ඒ භාග්‍යවතුන් වහන්සේ ‛අනන්තඤාණ’ වන සේක.

123. සෝ භගවා ඉතිපි අනන්තතේජෝ:- අනන්ත තේජසකින් යුතු හෙයින් ඒ භාග්‍යවතුන් වහන්සේ ‛අනන්තතේජ’ වන සේක.

124. සෝ භගවා ඉතිපි අනන්තයසෝ:- අනන්ත යසසින් යුතු හෙයින් ඒ භාග්‍යවතුන් වහන්සේ ‛අනන්තයස’ වන සේක.

125. සෝ භගවා ඉතිපි අනන්තජිනෝ:- අන්ත රහිත නිවන දිනා ගත් හෙයින් ඒ භාග්‍යවතුන් වහන්සේ ‛අනන්තජින’ වන සේක.

126. සෝ භගවා ඉතිපි අනන්තගෝචරෝ:- පමණ කළ නො හැකි නිවන ගෝචර කොට ගෙන වසනා හෙයින් ඒ භාග්‍යවතුන් වහන්සේ ‛අනන්තගෝචර’ වන සේක.

127. සෝ භගවා ඉතිපි අනන්තවණ්ණෝ:- අනන්ත ගුණවර්ණ ඇති හෙයින් ඒ භාග්‍යවතුන් වහන්සේ ‛අනන්තවණ්ණ’ වන සේක.

128. සෝ භගවා ඉතිපි අනන්තගුණසාගරෝ:- අනන්ත ගුණ සයුරක් හෙයින් ඒ භාග්‍යවතුන් වහන්සේ ‛අනන්තගුණසාගර’ වන සේක.

129. සෝ භගවා ඉතිපි අනන්තගුණසඤ්චයෝ:- අනන්ත ගුණ පිඬක් බඳු හෙයින් ඒ භාග්‍යවතුන් වහන්සේ ‛අනන්තගුණසඤ්චය’ වන සේක.

130. සෝ භගවා ඉතිපි අනන්තපටිභානවා:- අනන්ත වැටහීම් ඇති හෙයින් ඒ භාග්‍යවතුන් වහන්සේ ‛අනන්තපටිභානවා’ වන සේක.

Comments are closed.

Read this also

All Rights Reserved

Contents of this website are fully protected under international copyright laws. Downloading any contents for personal use is allowed. Selling is totally prohibited. Uploading of protected audio contents at any other location on the web for the purpose of sharing or distribution & re-publishing of individual audio contents are not allowed by any means without the written consent of 'DhammaMedicine'.

Join with Us

Subscribe to our Google Group: