subscribe

බුදු ගුණ අනන්ත යි ෴ 16

බුදු ගුණ අනන්ත යි ෴ 16

301. සෝ භගවා ඉතිපි අභිභූ:- මුළු තුන් ලොව ම සදහම් තෙදින් මැඩලන හෙයින් ඒ භාග්‍යවතුන් වහන්සේ ‛අභිභූ’ වන සේක.

302. සෝ භගවා ඉතිපි අභිනිබ්බුතත්තෝ:- වෙසෙසින් නිවී ගිය ජීවිතයක් ඇති හෙයින් ඒ භාග්‍යවතුන් වහන්සේ ‛අභිනිබ්බුතත්ත’ වන සේක.

303. සෝ භගවා ඉතිපි අභිඤ්ඤාවෝසිතෝ:- විශිෂ්ඨ ඤාණයෙන් නිවන් මග සම්පූර්ණ කළ හෙයින් හෙයින් ඒ භාග්‍යවතුන් වහන්සේ ‛අභිඤ්ඤාවෝසිත’ වන සේක.

304. සෝ භගවා ඉතිපි අභිධම්මකුසලෝ:- ගම්භීර ධර්මයෙහි දක්ෂ හෙයින් ඒ භාග්‍යවතුන් වහන්සේ ‛අභිධම්මකුසල’ වන සේක.

305. සෝ භගවා ඉතිපි අභිවිනයකුසලෝ:- ගැඹුරු විනයෙහි දක්ෂ හෙයින් ඒ භාග්‍යවතුන් වහන්සේ ‛අභිවිනයකුසල’ වන සේක.

306. සෝ භගවා ඉතිපි අභිඤ්ඤාවෝසානපාරමිප්පත්තෝ:- විශේෂ ඤාණයන්ගෙන් යුතු ව බඹසර දිවි ගෙවා පරතෙරට පත් වූ හෙයින් ඒ භාග්‍යවතුන් වහන්සේ ‛අභිඤ්ඤා වෝසාන පාරමිප්පත්ත’ වන සේක.

307. සෝ භගවා ඉතිපි අභීතෝ:- අභීත පුරුෂෝත්තමයාණන් වහන්සේ වන හෙයින් ඒ භාග්‍යවතුන් වහන්සේ ‛අභීත’ වන සේක.

308. සෝ භගවා ඉතිපි අභීරු:- කිසිවකට බිය නො වනා හෙයින් ඒ භාග්‍යවතුන් වහන්සේ ‛අභීරු’ වන සේක.

309. සෝ භගවා ඉතිපි අරහං:- සියළු කෙලෙසුන් දුරු කොට ලොවේ සියළු පූජාවන්ට සුදුසු වූ හෙයින් ඒ භාග්‍යවතුන් වහන්සේ ‛අරහං’ වන සේක.

310. සෝ භගවා ඉතිපි අරසරූපෝ:- රූප රස, ශබ්ධ රස, ආදී පංච රසයන්ට ඇති තෘෂ්ණාවේ මුල් සුන් කළ හෙයින් ඒ භාග්‍යවතුන් වහන්සේ ‛අරසරූප’ වන සේක.

311. සෝ භගවා ඉතිපි අරණෝ:- ‛රණ’ නම් වූ කෙළෙසුන් දුරු කළ හෙයින් ඒ භාග්‍යවතුන් වහන්සේ ‛අරණ’ වන සේක.

312. සෝ භගවා ඉතිපි අරත්තෝ:- කාමයන්ට නො ඇලුනු හෙයින් ඒ භාග්‍යවතුන් වහන්සේ ‛අරත්ත’ වන සේක.

313. සෝ භගවා ඉතිපි අරියෝ:- තුන් ලොවෙහි පරම ආර්යයන් වහන්සේ වන හෙයින් ඒ භාග්‍යවතුන් වහන්සේ ‛අරිය’ වන සේක.

314. සෝ භගවා ඉතිපි අරියසීලෝ:- ආර්ය සීලයකින් යුතු හෙයින් ඒ භාග්‍යවතුන් වහන්සේ ‛අරියසීල’ වන සේක.

315. සෝ භගවා ඉතිපි අරියප්පත්තෝ:- පරම උත්තමභාවය වූ නිවනට පත් වූ හෙයින් ඒ භාග්‍යවතුන් වහන්සේ ‛අරියප්පත්ත’ වන සේක.

316. සෝ භගවා ඉතිපි අරියද්දසෝ:- පරම උත්තමභාවය වූ නිවන දුටු හෙයින් ඒ භාග්‍යවතුන් වහන්සේ ‛අරියද්දස’ වන සේක.

317. සෝ භගවා ඉතිපි අරියවංසෝ:- පුරාණ සම්බුදුවරුන් ගේ පරපුරට අයත් වූ හෙයින් ඒ භාග්‍යවතුන් වහන්සේ ‛අරියවංස’ වන සේක.

318. සෝ භගවා අරඤ්ඤකෝ:- අරණ්‍යයේ වසනා හෙයින් ඒ භාග්‍යවතුන් වහන්සේ ‛අරඤ්ඤක’ වන සේක.

319. සෝ භගවා ඉතිපි අරෝසනෙය්‍යෝ:- කිසිවෙකු විසිනුදු නො පෙළිය යුතු වන හෙයින් ඒ භාග්‍යවතුන් වහන්සේ ‛අරෝසනෙය්‍ය’ වන සේක.

320. සෝ භගවා ඉතිපි අඝවිනයෝ:- සියළු දුක් නැසූ හෙයින් ඒ භාග්‍යවතුන් වහන්සේ ‛අඝවිනය’ වන සේක.

321. සෝ භගවා ඉතිපි අළාමකෝ:- අළාමක දිවි ගත කළ හෙයින් ඒ භාග්‍යවතුන් වහන්සේ ‛අළාමක’ වන සේක.

322. සෝ භගවා ඉතිපි අලිප්පමානෝ:- ලෝකයෙහි නො තැවරෙනසුලු හෙයින් ඒ භාග්‍යවතුන් වහන්සේ ‛අලිප්පමාන’ වන සේක.

323. සෝ භගවා ඉතිපි අලීනචිත්තෝ:- කිසි දිනෙක පසුබට නො වන සිත් ඇති හෙයින් ඒ භාග්‍යවතුන් වහන්සේ ‛අලීනචිත්ත’ වන සේක.

324. සෝ භගවා ඉතිපි අලෝලෝ:- ලෝල නැති හෙයින් ඒ භාග්‍යවතුන් වහන්සේ ‛අලෝල’ වන සේක.

325. සෝ භගවා ඉතිපි අලෝභෝ:- ලෝභය දුරු කළ හෙයින් ඒ භාග්‍යවතුන් වහන්සේ ‛අලෝභ’ වන සේක.

Comments are closed.

Read this also

All Rights Reserved

Contents of this website are fully protected under international copyright laws. Downloading any contents for personal use is allowed. Selling is totally prohibited. Uploading of protected audio contents at any other location on the web for the purpose of sharing or distribution & re-publishing of individual audio contents are not allowed by any means without the written consent of 'DhammaMedicine'.

Join with Us

Subscribe to our Google Group: