subscribe

බුදු ගුණ අනන්ත යි ෴ 18

බුදු ගුණ අනන්ත යි ෴ 18

351. සෝ භගවා ඉතිපි අමතාකරෝ:- අමෘත ආකරයක් වැනි හෙයින් ඒ භාග්‍යවතුන් වහන්සේ ‛අමතාකර’ වන සේක.

352. සෝ භගවා ඉතිපි අමමෝ:- මමත්වය දුරු කළ හෙයින් ඒ භාග්‍යවතුන් වහන්සේ ‛අමම’ වන සේක.

353. සෝ භගවා ඉතිපි අමරෝ:- මරණය ජය ගත් හෙයින් ඒ භාග්‍යවතුන් වහන්සේ ‛අමර’ වන සේක.

354. සෝ භගවා ඉතිපි අමක්ඛෝ:- ගුණමකු බව නැති හෙයින් ඒ භාග්‍යවතුන් වහන්සේ ‛අමක්ඛ’ වන සේක.

355. සෝ භගවා ඉතිපි අමච්ඡරී:- මසුරු බව නැති හෙයින් ඒ භාග්‍යවතුන් වහන්සේ ‛අමච්ඡරී’ වන සේක.

356. සෝ භගවා ඉතිපි අමායා:- මායා රහිත හෙයින් ඒ භාග්‍යවතුන් වහන්සේ ‛අමායා’ වන සේක.

357. සෝ භගවා ඉතිපි අමිතයසෝ:- ප්‍රමාණ රහිත යසසක් ඇති හෙයින් ඒ භාග්‍යවතුන් වහන්සේ ‛අමිතයස’ වන සේක.

358. සෝ භගවා ඉතිපි අමුඛරෝ:- මුඛරි භාවය රහිත හෙයින් ඒ භාග්‍යවතුන් වහන්සේ ‛අමුඛර’ වන සේක.

359. සෝ භගවා ඉතිපි අමුච්ඡිතෝ:- කාමයන් තුළ මුර්ඡාවට පත් නො වනා හෙයින් ඒ භාග්‍යවතුන් වහන්සේ ‛අමුච්ඡිත’ වන සේක.

360. සෝ භගවා ඉතිපි අමෝඝෝ:- නොසිස් ජීවිතයක් ගත කළ හෙයින් ඒ භාග්‍යවතුන් වහන්සේ ‛අමෝඝ’ වන සේක.

361. සෝ භගවා ඉතිපි අමෝහෝ:- මෝහය දුරු කළ හෙයින් ඒ භාග්‍යවතුන් වහන්සේ ‛අමෝහ’ වන සේක.

362. සෝ භගවා ඉතිපි අහිංසකෝ:- කිසි ම හිංසාවක් නො කරන හෙයින් ඒ භාග්‍යවතුන් වහන්සේ ‛අහිංසක’ වන සේක.

363. සෝ භගවා ඉතිපි අහීනින්ද්‍රියෝ:- අඩු නො වූ ඉඳුරන් ඇති හෙයින් ඒ භාග්‍යවතුන් වහන්සේ ‛අහීනින්ද්‍රිය’ වන සේක.

364. සෝ භගවා ඉතිපි අගථිතෝ:- කාමයන්ට නො බැඳුනු හෙයින් ඒ භාග්‍යවතුන් වහන්සේ ‛අගථිත’ වන සේක.

365. සෝ භගවා ඉතිපි අගදූපමෝ:- කෙළෙස් ලෙඩ සුව කරන ඖෂධයක් වැනි හෙයින් ඒ භාග්‍යවතුන් වහන්සේ ‛අගදූපම’ වන සේක.

366. සෝ භගවා ඉතිපි අගිද්ධෝ:- කිසිවකට ත් ගිජු නො වනා හෙයින් ඒ භාග්‍යවතුන් වහන්සේ ‛අගිද්ධ’ වන සේක.

367. සෝ භගවා ඉතිපි අග්ගපුග්ගලෝ:- තුන් ලොවට ම අග්‍රපුද්ගලයාණන් වහන්සේ වන හෙයින් ඒ භාග්‍යවතුන් වහන්සේ ‛අග්ගපුග්ගල’ වන සේක.

368. සෝ භගවා ඉතිපි අග්ගෝ:- සියලු සත්වයන්ට ම අග්‍රහෙයින් ඒ භාග්‍යවතුන් වහන්සේ ‛අග්ග’ වන සේක.

369. සෝ භගවා ඉතිපි අග්ගප්පත්තෝ:- අග්‍ර නිවනට පත් වූ හෙයින් ඒ භාග්‍යවතුන් වහන්සේ ‛අග්ගප්පත්ත’ වන සේක.

370. සෝ භගවා ඉතිපි අග්ගඤ්ඤූ:- අග්‍ර නිවන දැන ගත් හෙයින් ඒ භාග්‍යවතුන් වහන්සේ ‛අග්ගඤ්ඤූ’ වන සේක.

371. සෝ භගවා ඉතිපි අඤ්ඤදත්ථුදසෝ:- ඒකාන්තයෙන් ම සියල්ල දකිනා හෙයින් ඒ භාග්‍යවතුන් වහන්සේ ‛අඤ්ඤදත්ථුදස’ වන සේක.

372. සෝ භගවා ඉතිපි අඤ්ඤාවිමුත්තෝ:- අරහත්ඵලයෙහි විමුක්තියට පත් වූ සිත් ඇති හෙයින් ඒ භාග්‍යවතුන් වහන්සේ ‛අඤ්ඤාවිමුත්ත’ වන සේක.

373. සෝ භගවා ඉතිපි අඩ්ඪෝ:- ලොව්තුරු ගුණයෙන් ආඪ්‍ය හෙයින් ඒ භාග්‍යවතුන් වහන්සේ ‛අඩ්ඪ’ වන සේක.

374. සෝ භගවා ඉතිපි අංගීරසෝ:- මුළු සිරුරෙන් ම විහිදෙන රශ්මිධාරා ඇති හෙයින් ඒ භාග්‍යවතුන් වහන්සේ ‛අංගීරස’ වන සේක.

375. සෝ භගවා ඉතිපි අරෝගෝ:- කෙළෙස් ලෙඩ දුරු කළ හෙයින් ඒ භාග්‍යවතුන් වහන්සේ ‛අරෝග’ වන සේක.

Comments are closed.

Read this also

All Rights Reserved

Contents of this website are fully protected under international copyright laws. Downloading any contents for personal use is allowed. Selling is totally prohibited. Uploading of protected audio contents at any other location on the web for the purpose of sharing or distribution & re-publishing of individual audio contents are not allowed by any means without the written consent of 'DhammaMedicine'.

Join with Us

Subscribe to our Google Group: