subscribe

බුදු ගුණ අනන්ත යි ෴ 24

බුදු ගුණ අනන්ත යි ෴ 24

471. සෝ භගවා ඉතිපි ඒකචාරී:- තණ්හාව නම් වූ දෙවැන්නා ගෙන් තොර ව හැසිරෙන හෙයින් ඒ භාග්‍යවතුන් වහන්සේ ‛ඒකචාරී’ වන සේක.

472. සෝ භගවා ඉතිපි ඒකමාසීනෝ:- එකලාව දිවි ගෙවන හෙයින් ඒ භාග්‍යවතුන් වහන්සේ ‛ඒකමාසීන’ වන සේක.

473. සෝ භගවා ඉතිපි ඒකභත්තිකෝ:- පෙර වරු සමයේ පමණක් ආහාර ගන්නා හෙයින් ඒ භාග්‍යවතුන් වහන්සේ ‛ඒකභත්තික’ වන සේක.

474. සෝ භගවා ඉතිපි ඒකරත්තෝ:- හුදෙකලාවේ ඇලුණු සිත් ඇති හෙයින් ඒ භාග්‍යවතුන් වහන්සේ ‛ඒකරත්ත’ වන සේක.

475. සෝ භගවා ඉතිපි ඒකග්ගචිත්ත:- ඒකඟ වූ සිත් ඇති හෙයින් ඒ භාග්‍යවතුන් වහන්සේ ‛ඒකග්ගචිත්ත’ වන සේක.

476. සෝ භගවා ඉතිපි ඒකපුග්ගලෝ:- සමාන වූ දෙවැනි පුද්ගලයෙකු මුලු තුන්ලොවෙහි ම නො මැති හෙයින් (තුන් ලොවෙහි ම සිටින එවැනි එක ම පුද්ගලයාණන් වහන්සේ වන හෙයින්) ඒ භාග්‍යවතුන් වහන්සේ ‛ඒකපුග්ගල’ වන සේක.

477. සෝ භගවා ඉතිපි ඒකන්තවීතරාගෝ:- ඒකාන්ත වශයෙන් ම රාගය දුරු කළ හෙයින් ඒ භාග්‍යවතුන් වහන්සේ ‛ඒකන්තවීතරාග’ වන සේක.

478. සෝ භගවා ඉතිපි ඒකන්තවීතදෝසෝ:- ඒකාන්ත වශයෙන් ම ද්වේශය දුරු කළ හෙයින් ඒ භාග්‍යවතුන් වහන්සේ ‛ඒකන්තවීතදෝස’ වන සේක.

479. සෝ භගවා ඉතිපි ඒකන්තවීතමෝහෝ:- ඒකාන්ත වශයෙන් ම මෝහය දුරු කළ හෙයින් ඒ භාග්‍යවතුන් වහන්සේ ‛ඒකන්තවීතමෝහ’ වන සේක.

480. සෝ භගවා ඉතිපි ඒකන්තවීතසෝකෝ:- ඒකාන්ත වශයෙන් ම ශෝකය දුරු කළ හෙයින් ඒ භාග්‍යවතුන් වහන්සේ ‛ඒකන්තවීතසෝක’ වන සේක.

481. සෝ භගවා ඉතිපි ඒකන්තනික්කිලේසෝ:- ඒකාන්ත වශයෙන් ම නිකෙළෙස් වූ හෙයින් ඒ භාග්‍යවතුන් වහන්සේ ‛ඒකන්ත නික්කිලේස’ වන සේක.

482. සෝ භගවා ඉතිපි ඒකන්තපරිසුද්ධෝ:- ඒකාන්ත වශයෙන් ම පාරිශුද්ධ හෙයින් ඒ භාග්‍යවතුන් වහන්සේ ‛ඒකන්ත පරිසුද්ධ’ වන සේක.

483. සෝ භගවා ඉතිපි ඒකන්තපරිපුණ්ණෝ:- ඒකාන්ත වශයෙන් ම පරිපූර්ණ ජීවිතයක් ගත කළ හෙයින් ඒ භාග්‍යවතුන් වහන්සේ ‛ඒකන්ත පරිපුණ්ණ’ වන සේක.

484. සෝ භගවා ඉතිපි ඒකවීරෝ:- තනිව ම මරු ජයගත් මුළු තුන් ලොවෙහි ම සිටින එක ම විරුවාණන් වන හෙයින් ඒ භාග්‍යවතුන් වහන්සේ ‛ඒකවීර’ වන සේක.

485. සෝ භගවා ඉතිපි ඒකේකලෝමෝ:- එක් එක් රෝම කූපයෙහි හට ගත් එක් එක් රෝම සහිත මහා පුරුෂ ලක්ෂණය ඇති හෙයින් ඒ භාග්‍යවතුන් වහන්සේ ‛ඒකේකලෝම’ වන සේක.

486. සෝ භගවා ඉතිපි ඒණිජංඝෝ:- ඒණි නම් මුවන් ගේ බඳු කෙණ්ඩා සහිත මහා පුරුෂ ලක්ෂණය ඇති හෙයින් ඒ භාග්‍යවතුන් වහන්සේ ‛ඒණිජංඝ’ වන සේක.

487. සෝ භගවා ඉතිපි ඒකෝදිභූතෝ:- අතිශයින් එකඟ වූ සිත් ඇති හෙයින් ඒ භාග්‍යවතුන් වහන්සේ ‛ඒකෝදිභූත’ වන සේක.

488. සෝ භගවා ඉතිපි ඒකාරෝ:- සතිය නම් වූ එක ම අරය ඇති අනුත්තර සංග්‍රාම රථය ඇති හෙයින් ඒ භාග්‍යවතුන් වහන්සේ ‛ඒකාර’ වන සේක.

489. සෝ භගවා ඉතිපි ඒකාරක්ඛෝ:- සතියෙන් සුරැකුණු ජීවිත ඇති හෙයින් ඒ භාග්‍යවතුන් වහන්සේ ‛ඒකාරක්ඛ’ වන සේක.

Comments are closed.

Read this also

All Rights Reserved

Contents of this website are fully protected under international copyright laws. Downloading any contents for personal use is allowed. Selling is totally prohibited. Uploading of protected audio contents at any other location on the web for the purpose of sharing or distribution & re-publishing of individual audio contents are not allowed by any means without the written consent of 'DhammaMedicine'.

Join with Us

Subscribe to our Google Group: