subscribe

බුදු ගුණ අනන්ත යි ෴ 26

බුදු ගුණ අනන්ත යි ෴ 26

499. සෝ භගවා ඉතිපි කතකරණීයෝ:- අමා නිවන් පිණිස කළ යුතු සියල්ල නිම කළ හෙයින් ඒ භාග්‍යවතුන් වහන්සේ ‛කතකරණීය’ වන සේක.

500. සෝ භගවා ඉතිපි කතසමණෝ:- සියලු ශ්‍රමණ කෘත්‍යයන් සම්පූර්ණ කළ හෙයින් ඒ භාග්‍යවතුන් වහන්සේ ‛කතසමණ’ වන සේක.

501. සෝ භගවා ඉතිපි කතකිච්චෝ:- නිවන් මගෙහි සියලු කටයුතු පරිපූර්ණ කළ හෙයින් ඒ භාග්‍යවතුන් වහන්සේ ‛කතකිච්ච’ වන සේක.

502. සෝ භගවා ඉතිපි කතහත්ථෝ:- නිවන් මග පිළිබඳ කෘතහස්ථ හෙයින් ඒ භාග්‍යවතුන් වහන්සේ ‛කතහත්ථ’ වන සේක.

503. සෝ භගවා ඉතිපි කතයොග්ගෝ:- මැනවින් ප්‍රගුණ කොට නිම කළ නිවන් මග ඇති හෙයින් ඒ භාග්‍යවතුන් වහන්සේ ‛කතයොග්ග’ වන සේක.

504. සෝ භගවා ඉතිපි කතකල්‍යාණෝ:- සිදු කරන ලද යහපත් කටයුතු වලින් පිරිපුන් හෙයින් ඒ භාග්‍යවතුන් වහන්සේ ‛කතකල්‍යාණ’ වන සේක.

505. සෝ භගවා ඉතිපි කතකුසලෝ:- සිදු කරන ලද කුසල් දහමින් පිරිපුන් හෙයින් ඒ භාග්‍යවතුන් වහන්සේ ‛කතකුසල’ වන සේක.

506. සෝ භගවා ඉතිපි කතභීරුත්තානෝ:- භය රහිත නිවනට පැමිණීම පිණිස කළ යුතු සියල්ල සිදු කළ හෙයින් ඒ භාග්‍යවතුන් වහන්සේ ‛කතභීරුත්තාන’ වන සේක.

507. සෝ භගවා ඉතිපි කතත්ථෝ:- ස්වාර්ථය සේ ම පරාර්ථය ද සිදු කොට නිම කළ හෙයින් ඒ භාග්‍යවතුන් වහන්සේ ‛කතත්ථ’ වන සේක.

508. සෝ භගවා ඉතිපි කතාධිකාරී:- සම්මා සම්බුදු බව පිණිස සසරෙහි කරන ලද උතුම් පැතුමන් ඇති හෙයින් ඒ භාග්‍යවතුන් වහන්සේ ‛කතාධිකාරී’ වන සේක.

509. සෝ භගවා ඉතිපි කතාවී:- දුකෙන් මිදෙනු පිණිස කළ යුතු සියල්ල සම්පූර්ණ කළ හෙයින් ඒ භාග්‍යවතුන් වහන්සේ ‛කතාවී’ වන සේක.

510. සෝ භගවා ඉතිපි කතූපාසනෝ:- කුසල් වැඩුම පිණිස මැනවින් පුහුණු වූ ජීවිත ඇති හෙයින් ඒ භාග්‍යවතුන් වහන්සේ ‛කතූපාසන’ වන සේක.

511. සෝ භගවා ඉතිපි කල්ලචිත්තෝ:- සුවපත් වූ සිත් ඇති හෙයින් ඒ භාග්‍යවතුන් වහන්සේ ‛කල්ලචිත්ත’ වන සේක.

512. සෝ භගවා ඉතිපි කල්ලිතකුසලෝ:- සමාධි සිත පැහැදවීමෙහි අතිශයින් දක්ෂ හෙයින් ඒ භාග්‍යවතුන් වහන්සේ ‛කල්ලිතකුසල’ වන සේක.

513. සෝ භගවා ඉතිපි කල්‍යාණමිත්තෝ:- මුලු තුන් ලොවට ම පරම කල්‍යාණමිත්‍රයාණන් වහන්සේ වන හෙයින් ඒ භාග්‍යවතුන් වහන්සේ ‛කල්‍යාණමිත්ත’ වන සේක.

514. සෝ භගවා ඉතිපි කල්‍යාණදස්සනෝ:- සොඳුරු දර්ශන ඇති හෙයින් ඒ භාග්‍යවතුන් වහන්සේ ‛කල්‍යාණදස්සන’ වන සේක.

515. සෝ භගවා ඉතිපි කල්‍යාණපීති:- සුන්දර වූ ප්‍රීතිමත් භාවයකින් යුතු හෙයින් ඒ භාග්‍යවතුන් වහන්සේ ‛කල්‍යාණපීති’ වන සේක.

516. සෝ භගවා ඉතිපි කල්‍යාණසීලෝ:- සොඳුරු සිල් ඇති හෙයින් ඒ භාග්‍යවතුන් වහන්සේ ‛කල්‍යාණසීල’ වන සේක.

517. සෝ භගවා ඉතිපි කල්‍යාණධම්මෝ:- සමාධි සමාපත්ති ආදී සුන්දර ධර්මයන් ගෙන් යුතු හෙයින් ඒ භාග්‍යවතුන් වහන්සේ ‛කල්‍යාණධම්ම’ වන සේක.

518. සෝ භගවා ඉතිපි කල්‍යාණපඤ්ඤෝ:- සොඳුරු ප්‍රඥා ඇති හෙයින් ඒ භාග්‍යවතුන් වහන්සේ ‛කල්‍යාණපඤ්ඤ’ වන සේක.

519. සෝ භගවා ඉතිපි කල්‍යාණවාක්කරණෝ:- සොඳුරු කථා බස් ඇති හෙයින් ඒ භාග්‍යවතුන් වහන්සේ ‛කල්‍යාණවාක්කරණ’ වන සේක.

520. සෝ භගවා ඉතිපි කල්‍යාණපටිභානවා:- සොඳුරු වැටහීම් ඇති හෙයින් ඒ භාග්‍යවතුන් වහන්සේ ‛කල්‍යාණපටිභානවා’ වන සේක.

Comments are closed.

Read this also

All Rights Reserved

Contents of this website are fully protected under international copyright laws. Downloading any contents for personal use is allowed. Selling is totally prohibited. Uploading of protected audio contents at any other location on the web for the purpose of sharing or distribution & re-publishing of individual audio contents are not allowed by any means without the written consent of 'DhammaMedicine'.

Join with Us

Subscribe to our Google Group: