subscribe

බුදු ගුණ අනන්ත යි ෴ 27

බුදු ගුණ අනන්ත යි ෴ 27

521. සෝ භගවා ඉතිපි කල්‍යාණජවනික්කමෝ:- සොඳුරු ජවයක් හා වීරියක් ඇති හෙයින් ඒ භාග්‍යවතුන් වහන්සේ ‛කල්‍යාණජවනික්කම’ වන සේක.

522. සෝ භගවා ඉතිපි කල්‍යාණඉරියාපථෝ:- සොඳුරු ඉරියව් පැවතුම් ඇති හෙයින් ඒ භාග්‍යවතුන් වහන්සේ ‛කල්‍යාණඉරියාපථ’ වන සේක.

523. සෝ භගවා ඉතිපි කමලපත්තක්ඛෝ:- පියුම් පතක් වැනි සොඳුරු නෙත් ඇති හෙයින් ඒ භාග්‍යවතුන් වහන්සේ ‛කමලපත්තක්ඛ’ වන සේක.

524. සෝ භගවා ඉතිපි කම්මනියචිත්තෝ:- ඕනෑ ම අභිඥාවකට යොමුකළ හැකි කර්මන්‍ය සිතක් ඇති හෙයින් ඒ භාග්‍යවතුන් වහන්සේ ‛කම්මනියචිත්ත’ වන සේක.

525. සෝ භගවා ඉතිපි කම්මවිපාකකෝවිදෝ:- කර්ම විපාක පිළිබඳ අතිශයින් දක්ෂ හෙයින් ඒ භාග්‍යවතුන් වහන්සේ ‛කම්මවිපාක කෝවිද’ වන සේක.

526. සෝ භගවා ඉතිපි කම්මයන්තවිසාටකෝ:- කර්ම යන්ත්‍රය විනාශ කරනා හෙයින් ඒ භාග්‍යවතුන් වහන්සේ ‛කම්මයන්ත විසාටක’ වන සේක.

527. සෝ භගවා ඉතිපි කංඛච්ඡේදෝ:- සැකය සිඳ හල හෙයින් ඒ භාග්‍යවතුන් වහන්සේ ‛කංඛච්ඡේද’ වන සේක.

528. සෝ භගවා ඉතිපි කස්සකෝ:- අමා නිවන් ඵල ලැබ දෙන අනුත්තර ගොවිතැන සිදු කරනා හෙයින් ඒ භාග්‍යවතුන් වහන්සේ ‛කස්සක’ වන සේක.

529. සෝ භගවා ඉතිපි කණ්ණසුක්කමුපාතිවත්තෝ:- කළු සුදු කර්ම ඉක්මවා ගිය හෙයින් ඒ භාග්‍යවතුන් වහන්සේ ‛කණ්ණ සුක්කමුපාතිවත්ත’ වන සේක.

530. සෝ භගවා ඉතිපි කරුණාවිහාරී:- කරුණා විහරණ ඇති හෙයින් ඒ භාග්‍යවතුන් වහන්සේ ‛කරුණාවිහාරී’ වන සේක.

531. සෝ භගවා ඉතිපි කරුණාඤාණසාගරෝ:- කරුණාවෙන් හා ඤාණයෙන් පිරි සයුරක් වැනි හෙයින් ඒ භාග්‍යවතුන් වහන්සේ ‛කරුණා ඤාණ සාගර’ වන සේක.

532. සෝ භගවා ඉතිපි කරුණානිබද්ධසන්තානෝ:- නිරතුරුව ම කරුණාවෙන් පිරී ඉතිරුණු සිත් සතන් ඇති හෙයින් ඒ භාග්‍යවතුන් වහන්සේ ‛කරුණා නිබද්ධ සන්තාන’ වන සේක.

533. සෝ භගවා ඉතිපි කරුණාමතිසාගරෝ:- කරුණාවෙන් හා ප්‍රඥාවෙන් පිරුණු සාගරයක් වැනි හෙයින් ඒ භාග්‍යවතුන් වහන්සේ ‛කරුණාමතිසාගර’ වන සේක.

534. සෝ භගවා ඉතිපි කරුණාකරෝ:- කරුණාගුණ ආකරයක් බඳු හෙයින් ඒ භාග්‍යවතුන් වහන්සේ ‛කරුණාකර’ වන සේක.

535. සෝ භගවා ඉතිපි කනකාචලසංකාසෝ:- රන් පර්වතයක් මෙන් බබළන හෙයින් ඒ භාග්‍යවතුන් වහන්සේ ‛කනකාචල සංකාස’ වන සේක.

536. සෝ භගවා ඉතිපි කන්තසල්ලෝ:- කෙලෙස් හුල් හාරා දමන ලද හෙයින් ඒ භාග්‍යවතුන් වහන්සේ ‛කන්තසල්ල’ වන සේක.

537. සෝ භගවා ඉතිපි කරුණාමෙත්තසඤ්චයෝ:- කරුණා මෛත්‍රී ගුණ පිඬක් බඳු හෙයින් ඒ භාග්‍යවතුන් වහන්සේ ‛කරුණාමෙත්තසඤ්චය’ වන සේක.

538. සෝ භගවා ඉතිපි කඤ්චනසන්නිභත්තචෝ:- රන් පැහැ ශරීර වර්ණ ඇති හෙයින් ඒ භාග්‍යවතුන් වහන්සේ ‛කඤ්චනසන්නිභත්තචෝ’ වන සේක.

539. සෝ භගවා ඉතිපි කඤ්චනග්ඝියසංකාසෝ:- රනින් කළ කනුවක් මෙන් ශෝභමාන හෙයින් ඒ භාග්‍යවතුන් වහන්සේ ‛කඤ්චනග්ඝියසංකාස’ වන සේක.

540. සෝ භගවා ඉතිපි කප්පරුක්ඛෝ:- මුළු තුන් ලොවට ම කල්ප වෘක්ෂයක් බඳු හෙයින් ඒ භාග්‍යවතුන් වහන්සේ ‛කප්පරුක්ඛ’ වන සේක.

Comments are closed.

Read this also

All Rights Reserved

Contents of this website are fully protected under international copyright laws. Downloading any contents for personal use is allowed. Selling is totally prohibited. Uploading of protected audio contents at any other location on the web for the purpose of sharing or distribution & re-publishing of individual audio contents are not allowed by any means without the written consent of 'DhammaMedicine'.

Join with Us

Subscribe to our Google Group: